Kune kerah kerina bulung-bulung
Ola kam ngandung
Sebab cakap si terutang
Enggo kusuratken bas batang
Kune batang-batang pe kerah
Labo lit dalanta nilah
Sebab pudunta meteguh
Enggo kuiket bas pusuh
Kune kerah pagi pusuh
La kerna si e kita pedauh
Sebab ateta tedeh
Enggo neng-neng ibas iluh
Kune pagi iluhpe keri
La kerna si e melus ate jadi
Sebab ranandu si mehuli
Enggo ralo ku tendi
Kune tendi pagi kabang-kabang
Kerna padanta lanaibo sirang
Radu tendinta ku langit meganjang
i langit si mbelang
Ate keleng lanai erbaleng
Ndepox, 26/02/16
No comments:
Post a Comment