O Berngi si mbages
Engkai kam langnga lawes
Litkin si erpengendes?
Entahpe si erpudun ngeskes?
O Berngi si mbergeh
Enggo seh embun ku taneh
Pusuhpe tambah merendeh
Cakap sengkebabahpe la reh
Tandana i kepar lawit kurang metedeh
O Berngi si ngongo
Enggo tekuak manuk i lipo
Tandana kesain nandangi melino
Tapi pusuh si ertima lalap serko
Enggo keri sarintangtang ku namo
Tandana keri iluh ban gogo
Tapi arih lalap denga lolo
Ndepox, 07/01/16
No comments:
Post a Comment