Ula megelut urat nitindih
Bage ndube padan nipilih
Biak padan lanaibo salih
Lau taneh temanndu arih
Gelah maler-maler nangkih
Kulpah-kulpih soraku ertihtih
Ula mbulak batang kudedeh
Ibahan gelarndu pangguh
Pajek meledang megegeh
Dalan maler lau sini i taneh
Arah unung-unung si mbergeh
Kulpah-kulpih soraku ertihtih
Ula meranggas lambe erpurih
Kam lape-lapeku sanga nihtih
Wari perudah ras las la erpilih
La teralang dahinku ertihtih
Kulpah-kulpih soraku ertihtih
O rirang mayang si enggo kupilih
Teruh kerahungndu enggo kutih-tih
Asa beluh nggo kuban belas erturih
Enggo kumang-mang urat seh ku purih
Bage gia arah kamnge maka aku rulih
Kulpah-kulpihku enggo menda kuh
O rirang si mayang ningku erlebuh
Kam ndube turang si rutang pusuh
Nandangi aku abangndu si tare iluh
Kutampur me kam o rudang-rudang geluh
Kutareken me iluhndu alu tongkap buluh
Man gancih utang turangndu si kurang beluh
Kulpah-kulpihku bias me gelah
Eak tongkap si belang babah
Jenda ko sangket molah-olah
Tami-tami turang si perkuah
Maka ola ko tongkap si perliah
Gelah lit pagi ulihta man luah
Luahta gula radumken tualah
Luah man kalimbubu si mada tuah
Maka kita kerina mejuah-juah
(Toboali Bangka Selatan, 31/10/13)
No comments:
Post a Comment