OH.... ADI RAS KAM

Iyo....oh adi ras kam
Lalit si lasam
Gia tempa kanam-kanam
Kerina ernanam

Iyo oh.... adi ras kam
Gia wari enggo gerdem
Gia gelap enggo singgem
Ngasup aku la kem
Sope ulih simpar dem

Tapi.... adi la ras kam
Pusuh lalap kidaram
Lungunen bas jelma nterem
Tayangpe la terpedem
Muaspe la terinem

Oh….. adi ras kam
Berjut e pe kuakap cirem
Si pagit e pe kuakap melam
Salimar e pe kuakap tilam
Ate ceda e pe teralem

Oh….. adi ras kam
Iyo oh….. adi ras kam
Ise kin kam?
Ija kin kam?
Gelah kam inganku ernalem

Ndepox, 21/05/16