Ame Lambak
Perjuma Batu Makmak
Perkadenape la bagi kalak
Nonggali usur sekalak
Ngerana gak-gak
Rananna la tersimbak
Peratenna megek-gek
Meditna mekelek
Kadenape la terjemmak
Erdalan mejurgak
Megati papak-papak
Erdahin meturdak
Perpanna murmak
Ayo metampak
Gincu erdemak
Baju talngak-talngak
Tiap wari ngepari tambak
Dunutpe la mombak
Sada ngenca si bagi kalak
Merhat denga ia bayak
Gegehina nuan Lobak
Kurangina nukur bedak
Oh… ame Lambak
Si pandangi, kitaka lepak
Kitape mbiar rembak
Lebenka ia erpenulak
(10/04/2016)
No comments:
Post a Comment