mejuah-juah..mejuah-juah
kalimbubu Dibata idah
ingan kami ernalem tuah
gia kami sangap ras liah
lalit dalin kami nilah
mejuah-juah..mejuah-juah
kalimbubu simada dareh
ingan kami ernalemken taneh
ingan kami ngendesken gegeh
gia melas ras mbergeh
lalit dalin kami erpenembeh
mejuah-juah..mejuah-juah
kalimbubu si ngalo maneh-maneh
ingan kami ernalem sumekah
ingan sapu iluh ndabuh
gia gedang gendek pedah-pedah
lalit dalin kami ermorah-morah
mejuah-juah…mejuah-juah
kerina kalimbubu la erndobah
ingan kami naruh-naruhken luah
gia luah kami terjeng gula tualah
ntebu bas dilah seh ku kalah-kalah
gelah salang isi pusuh nibelas babah
(Ndepox, 14 May 2016)
No comments:
Post a Comment